Wednesday, 20 May 2015

Watinga kuchukua maiti wakivalia nguo za magunia

Ndugu na jamaa wa marehemu Victoria Silvester (53), wakiwa ndani ya chumba cha kuhifadhia maiti cha Hospitali ya Rufaa ya KCMC, huku wakiwa wamevaa magunia walipokwenda kuuchukua mwili kwa ajili ya mazishi, mkoani Kilimanjaro jana. Picha na Dionis Nyato

Posted Jumatano,Mei20 2015 saa 9:14 AM

KWA UFUPI

Walikuwa wamevalia magunia, lakini sababu ya kuvalia nguo hizo haikuwa kama maandiko hayo yanavyosema kuwa “kwa sababu hiyo jifungeni nguo za magunia; ombolezeni na kulia kwa uchungu; kwa maana hasira kali ya Bwana haikugeuka na kutuacha”.

SHARE THIS STORY

Moshi. Ilikuwa ni kama kutekeleza maandiko ya Biblia yanayosema “jifungeni nguo za magunia, ombolezeni na kulia kwa uchungu”, wakati ndugu walipokwenda Hospitali ya Rufaa ya KCMC kuchukua mwili wa marehemu.

Walikuwa wamevalia magunia, lakini sababu ya kuvalia nguo hizo haikuwa kama maandiko hayo yanavyosema kuwa “kwa sababu hiyo jifungeni nguo za magunia; ombolezeni na kulia kwa uchungu; kwa maana hasira kali ya Bwana haikugeuka na kutuacha”.

“Tumejiuliza maswali mengi, tumeshindwa kupata majibu. Tumejiuliza tuvae nguo gani hatukupata majibu. Kwa kuvaa hivi tunataka hao wauaji wajue damu hii itawalilia popote walipo,” alisema Beata Kiria, ambaye ni dada wa Victoria Sylvester aliyeuawa na watu wasiojulikana na mwili wake kuzikwa nusu kiwiliwili.

Beata na ndugu zake walifika kwenye hospitali hiyo kwa ajili ya kuuchukua mwili huo wakiwa wamevalia magunia.

Tukio hilo lilitokea jana kati ya saa 4:30 asubuhi na saa 6:00 mchana wakati ndugu hao walipofika chumba cha kuhifadhi maiti cha hospitali, huku baadhi yao wakiwa pekupeku na kusababisha watu wengi waliokuwa eneo hilo pamoja na watumishi wa hospitali kuwashangaa.

Wakiwa ndani ya chumba cha kuhifadhia maiti, ndugu hao walilia wakipaza sauti wakitaka wauaji wa mwanamke huyo wakamatwe kabla ya kuchukua mwili na kuondoka nao.

Victoria (53), mkazi wa Kijiji cha Masherini, Umbwe eneo la Kibosho aliuawa kwa kukatwa mapanga usiku wa kuamkia Ijumaa iliyopita na baadaye wauaji kuuzika mwili wake nusu na kuacha kiwiliwili nje ya nyumba waliyokuwa wakiishi, jambo lililoibua utata mkubwa ndani ya familia hiyo.

Akizungumza na gazeti hili, Kiria alisema walichagua mavazi hayo baada ya kukosa vazi lingine.

“Tulitafakari tuvae nguo gani ili kumuenzi marehemu lakini hatukupata jibu, ndiyo tukaamua tuvae magunia kuonyesha kuwa waliomuua ndugu yetu thamani yao inafanana na magunia haya,” alisema Kiria.

Imezoeleka misiba mingi ndugu huvaa suti nyeusi kwa wanaume huku wanawake wakivalia mavazi meusi au meupe ambayo baadaye hujifunika na vitambaa vyeusi au vyeupe kwa akina mama.

Kiria, ambaye alizungumza kwa niaba ya familia, alilitaka Jeshi la Polisi kuhakikisha linawatafuta na kuwakamata watu waliohusika na mauaji hayo.

Kamanda wa polisi mkoani Kilimanjaro, Fulgence Ngonyani alisema wanamshikilia mume wa marehemu, Silvester Mmasi na mtumishi wao ambaye hakumtaja kwa ajili ya mahojiano kuhusu mauaji hayo na polisi inaendelea kuwatafuta washukiwa wengine.

Watoto wa vigogo BoT wana kesi ya kujibu

BOOKMARK

PRINTEMAILRATING

SHARE THIS STORY

Dar es Salaam. Mahakama ya Hakimu Mkazi Kisutu imewaona wafanyakazi wanane wa Benki Kuu ya Tanzania (BoT) wanaokabiliwa na tuhuma za kughushi vyeti na kutoa hati za uongo wana kesi ya kujibu.

Uamuzi huo ulitolewa jana na Hakimu Mkazi, Nyigulile Mwaseba baada ya kupitia ushahidi uliotolewa na mashahidi wanane wa upande wa mashtaka pamoja na vielelezo vilivyowasilishwa mahakamani hapo.

Baada ya Hakimu Mwaseba kutoa uamuzi huo, alisema Juni 17 na 18, 2015, washtakiwa hao ambao wanadaiwa kuwa ni watoto wa vigogo wa Serikali wataanza kutoa ushahidi wa utetezi dhidi ya mashtaka yanayowakabili.

Wafanyakazi hao ni Justina Mungai, Christina Ntemi, Siamini Kombakono, Janeth Mahenge, Beatha Massawe, Jacquiline Juma, Philimina Mutagurwa na Amina Mwinchumu.

Washtakiwa hao kwa pamoja wanadaiwa kughushi vyeti vya kuhitimu kidato cha nne na kutoa hati za uongo kwa mwajiri wao, BoT.

Washtakiwa Mungai, Massawe na Mwinchumu, wanadaiwa kughushi vyeti hivyo mwaka 2001, wakati Ntemi, Kombakono, Mahenge na Mutagurwa wanadaiwa kughushi vyeti hivyo mwaka 2002.

Wanadaiwa kughushi vyeti vya kuhitimu kidato cha nne na kutoa BoT hati za uongo wakionyesha kuwa vimetolewa na Baraza la Mitihani la Taifa wakati siyo kweli. Washtakiwa hao ambao awali waliyakana mashtaka, wako nje kwa dhamana.

Aliyemtumia meseji Rais JAKAYA MRISHO KIKWETE hakustahili kusimamishwa-Wizara

BOOKMARK

PRINTEMAILRATING

Na Suzan Mwillo, Mwananchi

Posted Jumatano,Mei20 2015 saa 11:31 AM

KWA UFUPI

Mhumba alisimamishwa kazi Mei 5, mwaka huu kwa madai ya kutuma ‘meseji’ kwa Rais Jakaya Kikwete akimweleza kuhusu ubadhirifu katika hospitali hiyo.

SHARE THIS STORY

Dar es Salaam. Katibu Mkuu Wizara ya Afya na Ustawi wa Jamii, Dk Donan Mmbando amesema hatua iliyochukuliwa na uongozi wa KCMC ya kumsimamisha kazi mtumishi wa Idara ya Uhasibu, Paul Mhumba siyo sahihi.

Mhumba alisimamishwa kazi Mei 5, mwaka huu kwa madai ya kutuma ‘meseji’ kwa Rais Jakaya Kikwete akimweleza kuhusu ubadhirifu katika hospitali hiyo.

Hatua ya uongozi wa KCMC kumsimamisha kazi mtumishi huyo imeendelea kuibua maswali kwa watu wa kada mbalimbali kwamba imekuwaje ujumbe wa siri aliotumiwa Rais umeifikia taasisi hiyo pamoja na namba ya mtumiaji.

Wakati sintofahamu hiyo ikiendelea, Mhumba ambaye pia ni Mwenyekiti wa Chama Wafanyakazi wa Serikali Kuu na Afya (Tughe), Tawi la KCMC katika barua yake ya Mei 16 kwa Dk Mmbando, alimwomba afike kwa uongozi huo kutoa ushahidi.

Alimtaka awe shahidi wake baada ya uongozi huo kudai kuwa yeye ndiye aliyewapa ujumbe huo na namba ya mtumaji.

Hata hivyo, jana Dk Mmbando hakueleza chochote juu ya madai ya kuhusika na kutuma ujumbe huo kwa ‘meseji’ lakini alikosoa hatua iliyochukuliwa na uongozi wa KCMC kwa mtumishi huyo.

“Siyo sahihi kwa hatua waliyochukua KCMC. Kiongozi anapopewa taarifa zenye mapungufu kwenye taasisi ni kwa ajili ya kumsaidia kutatua changamoto hizo,” alisema Dk Mmbando.

Kuhusu uongozi wa hospitali hiyo kumtaka Mhumba kupeleka ushahidi wake katika kikao cha mwisho cha kamati ya nidhamu kitakachokutana Mei 26 kujadili suala hilo, Dk Mmbando alisema: “Wasiliana na uongozi wa KCMC. Hilo ni suala la kiutawala walishughulikie wao,” alisema Dk Mmbando ambaye aliwahi kuwa Mganga Mkuu wa Serikali.

Kauli ya Dk Mmbando inaendana na kauli ya Katibu Mkuu wa Tughe Mkoa wa Kilimanjaro, Simon Msuya ambaye juzi alisema uongozi huo ulitakiwa kukanusha tuhuma badala ya kumtafuta aliyetuma ujumbe.

Hata hivyo, uongozi wa KCMC umeendelea kukaa kimya hata baada ya kupelekewa maswali na gazeti hili kwa maandishi kama ilivyoelekezwa na ofisa uhusiano wa hospitali hiyo.

Wabunge wa Ukawa waikalia kooni Ikulu

BOOKMARK

PRINTEMAILRATING

Mbunge wa Muhambwe, Felix Mkosamali (kushoto) akichangia bungeni mjadala wa kupitisha bajeti ya Ofisi ya Rais , Menejimenti ya Utumishi wa Umma, Utawara Bora na Uhusianao na Uratibu kwa mwaka wa fedha 2015/2016, mjini Dodoma jana. Picha na Emmanuel Herman

Na Fidelis Butahe na Sharon Sauwa, Mwananchi

Posted Jumanne,Mei19 2015 saa 8:25 AM

KWA UFUPI

Mawaziri hao jana walitakiwa kueleza sababu za ofisi hiyo kushindwa kutokomeza rushwa, mikakati ya Serikali kuiwezesha Takukuru na kuipa meno ya kuwashtaki moja kwa moja watuhumiwa wa rushwa.

SHARE THIS STORY

mgomo wa Wanafunzi wa Chuo cha Ruaha Iringa leo MAY 20 2015

Mgomo wa wanafunzi wa Chuo Kikuu Dar ilikuwa ishu kubwa jana na pia ikapewa headlines kwenye Magazeti mengi ya leo May 20 2015.. ilianza kuzungumziwa mitandaoni hii ya leo mgomo mwingine Iringa, show ya XXL @CloudsFM ikampata mmoja wa wanafunzi wa Chuo Kikuu cha Ruaha Iringa ambaye kasimulia hali iliyovyokuwa.

>>”Tunaishi katika hali ngumu tumeshindwa kuvumilia ikabidi tuchukue hatua za kufanya mgomo ili tupewe fedha zetu.. watu zaidi ya 100 wamekamatwa wengine wamepigwa.. tumepigwa mabomu ya machozi, watu wengine wapo Hospitali“>>

“Mgomo ulianza chinichini kama siku nne zilizopita wakatuzima, ikaja barua kwamba Bodi haina hela.. hatukuwa na uhakika sana na hiyo barua ilionesha mwaka 2011 tulihisi imefojiwa.. Jana tukaanza kujipanga ili leo tufanye hii reaction.”>>—Mmoja wa wanafunzi hao.

Kamanda wa Polisi Iringa nae amepatikana na kuongelea ishu hiyo>>“Wanafunzi hawa jana walikutana usiku wamegawanyika kwenye makundi mawili, kuna kundi lilikuwa linahamasisha wenzao wagome ili waishinikize Serikali iwalipe mikopo yao.”>> Kamanda Mungi.

>>Jana walikutana kujadili njia gani waitumie kupata hiyo mikopo yao, baadhi yao walikubali wasubiri wataletewa hiyo mikopo wengine wakashinikiza kuwepo kwa hiyo migomo.. Asubuhi ya leo wengine walikuwepo darasani wengine wakataka kugoma.. Tukawa tunafatilia ambao walitaka kugoma wakawafanyia fujo wale ambao hawataki kugoma.>>

>>”Wakataka kutoka nje ya geti ili wakazuie barabara isipitike, tumewazuia kabla hawajatoka.. wamekamatwa wanafunzi 89.. tumepiga mabomu kama kuna mtu amepata mshtuko ni kwa mabomu lakini hakuna aliyejeruhiwa wala kuumizwa.>>

>>“Hali ni safi hakuna tatizo lolote.. kuna wanasiasa wameacha Bunge wamekuja huku, hatutaki mambo ya kisiasa yaingizwe kwenye mji wetu huu